انا د/نرمين معلش اتحملونى شويه انا ببساطه عندى حلم من سنين لكن بعد الثوره كل الاحلام بقت ممكنه فقررت انى ابدأ فى تنفيذه ولو مبدئيا اون لاين حلمى ببساطه ان البنات والستات يلاقوا حد يهتم بيهم يطبطب عليهم لان للامانه من خلال متابعتى طول السنين اللى فاتت للتى فى والفيديوهات اللى بتتشير اون لاين اللى بتتكلم عن المرأه غير برنامج د/هبه قطب كلها تتلخص فى الاتى الماكياج تسريحات الشعر الموضه وأخيرا لفات الطرح والبرامج الطبيه اللى بتخاطب المرأه رغم جوده المعلومه المقدمه كلها عن علاج العقم
طيب انا عندى 13 سنه مين بيكلمنى اى برنامج موجه ليه
بلاش دى انا عندى 50 سنه اى برنامج موجه ليه
بلااااااااااااااش دى كمان انا مش متجوزه(ماهو نسبه العنوسه 17%)اى برنامج موجه ليه
ولا ال3 انواع دول مش ستات
وكمان اللى كان بيوجع قلبى اوى ولسه لغايه دلوقتى لما تشوفى واحده ست بتولد وهى معاها طفلين وتلاته قبل كده وتلاقيها مرعوبه لاعارفه تتنفس ازاى ولا ايه الموضوع اصلا عشان ببساطه محدش وجهها لان التليفزيون بيقولها ازاى تحملى وازاى تلفى طرحتك بس ومع نفسك بعد كده
حلمى كبيييييييييييير حلمى اقدر اكلم كل ست وبنت فى مصر اعرف احلامهم وطموحاتهم ومشاكلهم أساعدهم ويساعدونى انا مش وصيه على حد ولا الهدف دعايه لاى حد
ملحوظه:حتى لو خرجنا من النت للشارع المشروع مجانى ولايهدف للربح اطلاقا
معلش صدعتكم سلام
ليست هناك تعليقات:
إرسال تعليق